Старшы выкладчык кафедры агульнай фізікі Аскірка В.Ф. правёў гульню-прэзентацыю з удзелам вучняў СШ №12

Опубликовано:

⌚28.01.2017

26.01.2017 у межах дзён навукі ў ГрДУ і ў межах тыдня “Матэматыкі, інфарматыкі, фізікі” (“МІФ”) у СШ №12 г. Гродна старшы выкладчык кафедры агульнай фізікі Валянцін Фёдаравіч Аскірка правёў гульню-прэзентацыю “Ці ты навуковец?” з удзелам вучняў 9-11 класаў.

Мэтай мерапрыемства было пазнавальна і забаўляльна распавесці пра навуку, фізіку і фізікаў, заахвоціць вучняў да паступлення ў Гродзенскі дзяржаўны ўніверсітэт імя Янкі Купалы.

Не абышлося без эксперыментаў: кожны з удзельнікаў, такім чынам, “стаў навукоўцам”. Напрыканцы гульні вучні СШ №12 былі запрошаныя на фестываль навукі, які адбудзецца ў купалаўскім універсітэце 18 лютага 2017 года.